Лития за всяко прошение.

 

За молитв святых отец наших, Господи Исусе Христе, помилуй нас.(поклон)Аминь.

Гл.6 Царю небесный, Утешителю Душе истинный, Иже везде сый и вся исполняи, Сокровище благих и жизни Подателю, приди и вселися в ны, и очисти ны от всякия скверны, и спаси, Блаже, душа наша.

Также

Помилуй нас Господи, помилуй нас, всякого бо ответа недоумеющи, сию ти молитву яко Владыце, грешнии раби твои приносим, помилуй нас Господи, помилуй нас.

Слава Отцу и Сыну и Святому Духу: Господи помилуй нас, на Тя о уповахом, не прогневайся на ны зело, ниже помяни беззаконий наших. Но призри на ны яко милосерд, и избави нас от враг наших. Ты бое си Бог наш, и мы людие твои, и вси дела руку твоею, и имя Твое призываем.

И ныне и присно и во веки веком. Аминь. Милосердия двеи отверзи нам, благословенная Богородице Дево. Надеющиися на тя не погибнем, но да избавимся Тобою от бед, Ты бое си спасение роду християнскому.

Господи помилуй 40 раз с тремя поклонами.

Слава и ныне.

Честнейшую херувим, и славнейшую воистну серафим, без истления Бога Слова рождшую, сущую Богородицу, тя величаем. (поклон)

Слава…(поклон)

И ныне…(поклон)

Господи помилуй, Господи помилуй, Господи благослови. (поклон)

Отпуст: Господи, Исусе Христе, Сыне Божий, молитв ради Пречистыя Твоея Матери и преподобных и богоносных отец наших и всех святых, помилуй и спаси нас, яко Благ и Человеколюбец. (поклон) Нецые упоминают святых.

Аминь. Господи помилуй (трижды)

Тропарь: Спаси Господи, и помилуй раб своих (имена), (поклон) И избави их всякого злаго обстояния (поклон), прости им вся согрешения их вольная и невольная (поклон), Даждь им творити и мыслити вся благая и полезная (поклон), И всегда сохрани их от враг видимых и невидимых, навета и всякого злаго искушения, яко Благ и Человеколюбец (поклон).